注册 登录  
 加关注
   显示下一条  |  关闭
温馨提示!由于新浪微博认证机制调整,您的新浪微博帐号绑定已过期,请重新绑定!立即重新绑定新浪微博》  |  关闭

Puki◎Can Said...

Yesterday is history,tomorrow is mystery

 
 
 

日志

 
 
关于我

源作坊之坊犬,守門用。 冷門CP症候群 光亮本命,亞神至上,兄弟最高,不可逆~! 心頭好:釘宮理惠 人生信條:絕不可糟蹋糧食!!

网易考拉推荐

[轉貼]寶業路~江南西“揾食攻略”~南面 作者:shadow23  

2007-10-26 10:51:48|  分类: 雜錦罐 |  标签: |举报 |字号 订阅

  下载LOFTER 我的照片书  |

【以下觀點傳聞,僅是市民個人主觀意識,不代表任何立場。如有冒犯,敬請貽笑置之。】

 再由南邊(天母藍鳥咖啡廳)的街面,東往西一直順序,開始:

 

天母藍鳥咖啡廳-高“貴”物語

TEL:020-84488559 84488528 網址:www.gztmln.com

地址:江南西路19-21號二樓

【江湖傳聞】:臺灣老闆開店,裝修環境就絕對高檔。大排檔的出品+大餐廳的環境=大酒店的收費,~才顯得您“高貴大方”!

例如一份“最普通商務”套餐:粟米湯(原來真系有粟米o架)+鐵板煎雞扒(伴邊有一個太陽蛋和一朵西蘭花,件雞可能跟楊利偉上過太空~好輕飄飄o架)+咖啡(唔知乜叫特調)+一小份水果(可能伊拉克空運來的~)=78/元

有分吸煙區和非吸煙區。扒類5x~7x元/份,x咖啡3x元/杯,x花茶3x元/壺,檸茶22蚊/杯;續杯唔該+10蚊啦~甘高檔環境唔收你高“貴”價格你都唔好意思啦~

如果去厭仙x林,覺使錢使得唔爽,甘就隨時歡迎你去試試~清香純嘅茶與啡,普通味道嘅精緻食物,標準嘅服務品質~“高貴”收費標準,包你終身難忘!

ps:西方習慣,情侶平時去西餐廳系好少點套餐嘅。只在喜慶嘅節日,餐廳會推出應節特色的套餐並附送鮮花與紅(白)酒。我在猜算江南西有幾多高級寫字樓,有幾多成功人士在藍鳥吹水?所以“最便宜”嘅無特色商務套餐,情侶仔你們會點嗎?

 

美心西餅-“吃你唔病”

地址:江南西路19號(天母藍鳥咖啡廳)樓下

【江湖傳聞】:好睇唔好使兼貴夾唔飽。

 

銀記腸粉-豉油“爽過”粉

TEL:020-84494621

地址:江南西路19號(天母藍鳥咖啡廳)樓下

【江湖傳聞】:“布拉腸”曾經的中華名小吃。一群懶散的老員工在裝修後好似輝煌的店面招牌下,不思進取地“拉住”果張叫“吃老本”嘅腸粉布。除左特調嘅豉油系特別D之外,其他早而失去昔日西關濃濃嘅風情美食味~雖然還是值得一試廣州名小吃。4元/碟肉腸,唔多飽^_^

ps:後面有江南西三大腸粉店評試,留意哦~

 

 

綠茵閣咖啡廳-街坊西餐“大排檔”

TEL:020-84242693

地址:江南西路23號2樓

【江湖傳聞】:西餐“大排檔”系話佢收費響西餐廳嚟講算抵。由當年西湖路上的一間小蟲格式小店打拼到現在全國連鎖,仲開到好似7-11o甘“總有一間響左緊”~服未。環境舒適但座位有D逼,標準服務,仲有人彈琴伴你進餐。最愛香滑“牛仔骨”扒跟黑椒汁,4x元/碟,嚟多個牛油意粉伴邊,想起都流曬口水啦。推薦下午茶餐18元/份,一杯飲品加一份主食,好抵~下午同埋晚市九點後呢兩個時段都有。

下午時分懶洋洋坐響窗邊位叫個茶餐,睇下對面嘅人響時尚基地揀衫,或者見下路邊走鬼,都幾搞笑同寫意o架!

ps小貼士:中餐醃(牛)肉類會落D黃酒,D肉類會爽滑。(中式)西餐醃(牛)肉扒類會落D美極豉油,令肉類更爽滑美味(x家樂速食嘅扒類亦是)。因此,唔識入廚又想整D菜式俾喜歡嘅人食嘅各位,你只要記得識運用“美極豉油”呢招,就無敵了~哈哈~。

 

佳叔湯圓王-南方湯圓王

TEL:江南西店020-84494394 84498084 前進路店020-89010150

地址:江南西路41號之8

【江湖傳聞】:基本糖水湯圓價格系5~7蚊/碗,堂食環境麻麻地,街坊叫外送就好過自己煮,始終廣東人飲多D糖水與湯水最養顏有益。

 

HOMEWARD虹碗速食-“不倫不類”速食店

TEL:020-84427480

地址:江南西路63號

【江湖傳聞】:類似“大西豪”類快餐廳。無特色、唔出色、食左等於無食;等吃上菜速度慢,埋單收錢速度快。雞、鵝、鴨、扒類碟頭行政套餐15元/份,有菜有湯。肉眼扒68元/份~日本肥牛肉炒飯20元/份,芝士焗西蘭花,沙律~散餐基本價錢都系二十蚊以上一份菜式了。要減肥胃口細嘅女仔就啱份量,不過唔一定啱口味~^_^。

 

仁信雙皮奶-“不類不倫”雜餐店

地址:江南西路63號

【江湖傳聞】:披著中華名小吃嘅旗號,雙皮奶系鎮店招牌,但系好似點都跟唔上“南信雙皮奶”嘅味道。店堂光亮寬敞,食品五花八門:糖水、燉品、雪糕、煲仔飯、陳村粉、牛三星、蘿蔔、牛腩~~~收費中上,味道中下。

 

“匠味工房”無國界料理-掠你過界唔使理

地址:江南西路71號二樓

【江湖傳聞】:唔好以為餐廳環境舒適就系有好野,聽過“江南西兩大屠場”嗎?這是其一。

白開水3元/位,無功夫嘅功夫茶5元/位,唔知有無落奶嘅奶茶8元/杯,

三文魚刺身38蚊/斤~連骨稱啊=10片“燈影三文魚片”(薄到睇到人影,都幾考刀功~)。其他菜式有興趣的自己去睇睇。(睇下好了!)

傻下傻下嘅服務水準,烏下烏下嘅上菜速度,搶下搶下嘅收費價格~

有乜系好???好安靜咯~~~^_^。

 

“韓苑”韓國宮廷料理-“高貴料你”

TEL:020-84241983

地址:江南西路“匠味工房”旁邊路口入幾米右邊就是(正骨醫院條路)。(我忘寫下了)

【江湖傳聞】:服務環境同用具跟足韓國款式,亮麗。泡菜系韓國國粹,空運到廣,三款小菜選一免費試吃:泡菜、青瓜、蓮藕片(得好少好少)。

一個泡飯+一鍋韓湯鍋+一串韓式燒烤=2xx元/一人份(三歲小朋友都唔會飽份量)

ps:我去齋睇下都嚇出一身冷汗,唔好話想吃了。有邊位“公子”吃過,噏下啦~^_^。

 

錦勝粵菜酒家-街坊飯堂之一

TEL:020-84258689

地址:江南西路“匠味工房”旁邊路口入十幾米右邊就是(正骨醫院條路)。

【江湖傳聞】:“街坊飯堂”當然夠便宜啦,9元/碟~20都有。粵菜鍋氣小炒至乳豬全體都有,三兩知己麻甩佬“隊啤食煙棟高腳”都得啊。

 

新泰樂新派粵菜館-金牌黃鱔煲

TEL:020-84400711 84411711

地址:江南西路93-99號1-4樓

【江湖傳聞】:冰鎮膳、黃鱔煲都系招牌菜,鹹蛋黃炒蟹都值得一試。環境出品收費屬中上,服務中下。有人笑稱系“三星收費嘅大排檔”。

 

豐盛士多麻辣燙-麻辣燙味道獨特

TEL:020-13711221020

地址:青柳大街。天樂富林酒店(新泰樂菜館)旁邊路口入幾米右邊就是。

【江湖傳聞】:做麻辣燙做到可外賣送,都幾巴閉。菜1蚊,肉2蚊,點樣味道獨特法就要你試過先知了。平時踎響佢D凳仔到吃麻辣燙,隊下啤酒睇下周圍D型男索女都幾棧鬼o架。下午先開檔到淩晨3、4點,甘多年都好旺。

 

199吧-酒杯上的書屋清吧

地址:青柳大街25號。生力強面家旁

【江湖傳聞】:當年的“海鳥”BAR~環境雖小,唔受困擾。清幽安逸的小酒吧內免費提供睇D市面少有的漫畫同埋書(最低消費10蚊),系專門飲紅酒或桂花香茶嘅清吧。亦系江南西僅餘兩間清吧之一(曾經有收費好抵嘅紅酒派對~)。現已改號了,唔知果個熱情青春靚麗愛旅行嘅老闆娘仲響唔響到呢?

 

永隆食店-燒鵝瀨粉

地址:江南西路103號

【江湖傳聞】:當年做“走鬼檔”時與“華輝”堪稱“左青龍右白虎”,果段人行道上都系擺滿佢地嘅台凳,搶客好似搶親o甘。現在企業化了,連D燒鵝瀨粉都企業化衛生好多,環境亦靚好多,味道亦保持。幾蚊到十幾蚊嘅粥粉面飯都有,可以嘗試。

 

華輝面店-港式茶餐廳

TEL:020-84232561

地址:江南西路107號

【江湖傳聞】:除左中國“四大發明-粥粉面飯”,湯水糖水燉品雪糕仲做埋西餐。幾蚊到幾十蚊,包羅萬有~。3醬腸粉、鮮蝦雲吞銀絲面、腸粉~都值得一試。無需多講,一個字講曬:“掂咯”。

ps:江南西三大腸粉店評試-銀記、真美味、華輝

“銀記” 布拉腸,4元/碟。腸粉有D“削”,唔算爽口。豉油幾好,環境中等。

“真美味” D腸粉肉較多,腸粉口感好過“銀記”少少,又及唔上“華輝”少少。環境一般(一邊吃一邊會聽到員工講粗口~)

“華輝” 4元/碟,D腸粉幾爽口,但D肉就唔夠“真美味”多。環境較好。

 

辣田雞-“好野味”

地址:江南西路落寶業路三十米左邊。

【江湖傳聞】:香辣田雞28蚊/斤,食過都話正。不過最好睇住佢秤

 

駿輝咖哩茶餐廳-正宗香港風味

TEL:020-84423438

地址:寶業路3x號

【江湖傳聞】:香港人返嚟開嘅咖哩餐廳好味又抵吃,落料足D汁又好鬼香。10~20蚊/碟咖哩飯+支1蚊汽水,吃完好似去左印度o甘啊~哈哈!一樓店面就細D,二樓就寬D。仲有個咖哩雜錦海鮮火鍋,3x元/鍋,兩個人叫多個白飯,飽到嘔啊~~~街坊消費,值得嘗試。無需多講,一個字講曬:“掂咯”。

 

得記潮州菜館-正宗潮州菜

TEL:020-84375468

地址:寶業路4x號

【江湖傳聞】:齋睇門面牛o甘大只砂鍋粥,就值得去試試乜叫潮州o野啦。無需多講,一個字講曬:“掂咯”。中等消費。

 

鴻記美食-特色私房菜

TEL:020-33306383

地址:荔福路13號之10。(寶業路與荔福路口)

【江湖傳聞】:老闆兼大廚:曾經響廣州酒家做過燒臘師傅,響中國大酒店做過粵菜廚師~出品肯定就掂。睇似簡單的食物做法卻好講究。

燒烤類嘅“雞翼包”,底部去骨嘅雞全翼內包住木耳、甘荀絲、沙葛~入完焗爐再去炭燒,色澤金黃外脆內爽。4元/只,吃兩隻都飽曬了。

燒牛柳同秋都魚都幾正,3蚊/條,仲有“WASHBI”醬點。仲有燒排骨、蒜香包(有蒜容或香草食法),燒生蠔(有3蚊/只,有成20蚊/只北冰洋生蠔,要訂)吃唔吃得出有乜唔同就見仁見智了~

“炭燒鹽焗蝦”,錫紙鋪鐵盤面,再放海鹽,將撻暈左嘅鮮蝦埋入其中,入焗爐短時間再放到曬爐照燒~出餐時老闆成盤拎到你身邊,當住你面逐只逐只蝦從鹽堆中夾上嚟,一邊夾仲一邊與你吹水(衛生應該無問題^_^)。呢個需要提前一天電話預定,海鮮照市價。我大約記得我果次整好上臺40蚊/斤。

冬瓜盅約70元/盅,成個冬瓜挖空,入面燉有D海鮮、雞~(我淨系見隔離台吃,我就未試過)。呢個需要提前一天電話預定。

真系金牌燒乳豬,168元/只,適合一家大小或公司聚餐。呢個需要提前一天電話預定。

仲有好多古靈精怪嘅美食與小炒,燒烤就幾蚊,小炒就十幾二十蚊啦,值得嘗試睇睇。地方有D細,得七八張台。

ps:D川菜師傅可能換左人了,水煮魚無以前o甘香了~作為私房菜形式,消費高低就自己把握了~^_^。

  评论这张
 
阅读(907)| 评论(0)
推荐 转载

历史上的今天

评论

<#--最新日志,群博日志--> <#--推荐日志--> <#--引用记录--> <#--博主推荐--> <#--随机阅读--> <#--首页推荐--> <#--历史上的今天--> <#--被推荐日志--> <#--上一篇,下一篇--> <#-- 热度 --> <#-- 网易新闻广告 --> <#--右边模块结构--> <#--评论模块结构--> <#--引用模块结构--> <#--博主发起的投票-->
 
 
 
 
 
 
 
 
 
 
 
 
 
 

页脚

网易公司版权所有 ©1997-2017